Grunnnám heilbrigðisgreina

Lýsing: Grunnnám heilbrigðisgreina er ætlað þeim sem hafa hug á starfsmenntun á heilbrigðissviði, en hafa ekki gert upp hug sinn hvaða braut skuli velja eða uppfylla ekki inntökuskilyrði brautar. Grunnnámið fléttast við stúdentsbraut- heilbrigðislínu og sjúkraliðabraur en er jafnframt góður undirbúningur fyrir háskólanám á heilbrigðissviði, t.d. læknisfræði, hjúkrunarfræði eða sjúkraþjálfun. Námið er 94 einingar og skiptist í almennar kjarnagreinar og faggreinar á heilbrigðissviði. 

Inntökuskilyrði: Grunnskólapróf í samræmi við samræmt námsmat sem ráðuneytið birtir um viðmið við lok grunnskóla í almennum hluta aðalnámsskrár grunnskóla.
Til að hefja nám á öðru hæfniþrepi í kjarnagreinum þarf nemandi að hafa náð hæfnieinkunn B við lok grunnskóla eða að hafa lokið fyrsta þreps áfanga í viðkomandi grein.

Skipulag: Grunnnám heilbrigðisgreina skiptist í almennar greinar (44 einingar) og heilbrigðisgreinar (51 eining). Námsgreinar í grunnnámi heilbrigðisgreina, sem eru fyrst og fremst bóklegar, eru einnig hluti af námskrá allra starfsmenntabrauta á heilbrigðissviði.

Námsmat: Skólinn leggur áherslu á að námsmat sé fjölbreytt og að símat sé notað þar sem því verður við komið. Námsmat getur þó verið mismunandi eftir áföngum. Leitast er við að beita leiðsagnarmati þar sem nemendur eru aðstoðaðir við að bæta frammistöðu í ljósi mats. Tilhögun námsmats í einstökum greinum skal vera nemendum ljós í upphafi hverrar annar.  

Hæfniviðmið: Að loknu námi skal nemandi hafa hæfni til að ...

• takast á við áframhaldandi nám í heilbrigðisgreinum
• beita innsæi,ásamt gagnrýnni og skapandi hugsun við lausn verkefna
• lesa fræðigreinar um heilbrigðismál á ensku
• beita nýjustu tækni við gagnaöflun og framsetningu efnis
• tjá sig á skilmerkilegri íslensku í ræðu og riti
• taka þátt í umræðu um heilbrigðismál
• rökstyðja skoðun sína í siðferðilegum álitamálum