Framhaldsskólabrú

Lýsing: Námi á framhaldsskólabrú er ætlað að búa nemendur sem ekki hafa náð tilskyldum árangri á grunnskólaprófi undir nám á verk-, bók- eða listnámsbrautum skólans. Námið er að lágmarki 100 framhaldsskólaeiningar og því lýkur með framhaldsskólaprófi. Gert er ráð fyrir að stór hluti nemenda á framhaldsskólabrú hefji nám á annarri námsbraut í framhaldi af eða samhliða námi á framhaldsskólabrú. Á brautinni er öflugt umsjónarkerfi, mikið samráð við forrsjáraðila og nemendur fá mikið aðhald og stuðning í námi.

Inntökuskilyrði: Að hafa lokið grunnskóla eða sambærilegri menntun.

Skipulag: Nám á framhaldsskólabrú er bæði bóklegt og verklegt og fer fram í skólanum. Á brautinni er lögð áhersla á góða almenna menntun og traustan grunn í kjarnagreinunum. Starfshættir á brautinni miða að því að efla sjálftraust og sjálfsþekkingu nemenda.

Námsmat: Námsmat getur farið fram með mismunandi hætti og er ýmist samsett úr símati og lokaprófi/lokaverkefni eða eingöngu símati. Nánari tilhögun námsmats er í höndum kennara hverrar faggreinar. Í upphafi annar skal nemendum kynnt námsáætlun, námsmarkmið og tilhögun námsmats í hverjum áfanga.

Hæfniviðmið:  Að loknu námi skal nemandi hafa hæfni til að ...

• efla sjálfsmynd sína og styrkleika.
• beita gagnrýnni hugsun.
• taka þátt í samræðu og samvinnu á jafnréttisgrunni og án fordóma.
• hefja nám í íslensku, dönsku, ensku og stærðfræði á öðru þrepi.
• nota upplýsingatækni á ábyrgan hátt.
• vinna markvisst í hópi, bæði í námi og starfi
• taka ábyrga ákvörðun um áframhaldandi náms- og starfsval.

 Einingafjöldi: 100 

Frjálst val á framhaldsskólabraut er 50 einingar og skulu nemendur velja þær af 1. og 2. þrepi.