Grunnnám bygginga- og mannvirkjagreina

Lýsing: Grunn­námið er fyrsta önnin í sér­greinum byggingargreina. Í lok grunnnámsins eiga nemendur að vera hæfari til að velja sér sérsvið innan bygginga- og mannvirkjaiðnaðar og hafa fengið faglegan grunn til að byggja áframhaldandi nám á.  Lögð er áhersla á kennslu undirstöðuatriða í efnisfræði, áhalda- og tækjafræði, teikningum, verktækni og vinnuvernd. Að loknu grunnámi velja nem­endur að sér­hæfa sig í húsasmíði, hús­gagnasmíði, mál­araiðn, múr­araiðn, pípu­lögnum eða veggfóðrun og dúk­lögnum.

Nám í bygg­ing­ar­greinum er sérnám sem leiðir til starfs­rétt­inda. Sérhæft nám eftir grunnnámið tekur að jafnaði 2,5 ár auk 1,5 árs starfs­þjálfunar hjá meistara.

Inntökuskilyrði: Inntökuskilyrði á brautina eru að nemendur hafi lokið kjarnagreinum grunnskóla með fullnægjandi árangri. Námsárangur í kjarnagreinum mun einnig hafa áhrif á hvaða þrep nemandinn innritast. Ef fleiri sækja um nám á brautinni en skólinn getur tekið við getur inntökuviðmið orðið hærra en lágmarkið. Nem­endur 23ja ára og eldri með starfsreynslu geta sótt um beint á fagbraut.