UTMV3MR04 - Útveggjaklæðningar

Lýsing

Útveggjaklæðningar

Einingafjöldi : 4

Þrep : 3

Í áfanganum eru tekin fyrir grunnatriði í byggingaeðlisfræði s.s. kröfur til bygginga, innri og ytri kraftar, burðarvirki og mismunandi álag. Í tengslum við það er fjallað um ýmsa almenna þætti hita, hljóð, og rakaeinangrunar og brunatæknilegar útfærslur á byggingum. Því næst læra nemendur um loftræst og óloftræst klæðningakerfi fyrir náttúrustein og keramikflísar á veggi og þök utanhúss. Fjallað er um uppbyggingu slíkra kerfa, klæðningarefni, festingar og upphengingu með áherslu á frágang á fúgum, köntum og aðliggjandi byggingarhlutum. Kennslan er að mestu bókleg þar sem lögð er áhersla á uppbyggingu kerfanna, klæðningu, sýnikennslu, smærri verkefni og heimsóknir. 

Þekkingarviðmið

Nemandi skal hafa öðlast þekkingu og skilning á:

• helstu ytri og innri áraunum sem byggingar verða fyrir.
• burðarþoli og spennu í einstökum byggingarhlutum.
• grunnatriðum hita‐, raka‐ og hljóðeinangrunar.
• brunahönnun og brunavörnum í byggingum.
• eiginleikum og notkunarsviði algengra burðar‐ og klæðningakerfa.
• einstökum festingakerfum, kostum þeirra og göllum.
• loftræstum og óloftræstum klæðningakerfum fyrir náttúrustein og keramikflísar.
• einangrun og vindþéttingu undir loftræstar klæðningar.
• áhöldum og tækjum sem notuð eru við uppsetningu klæðningar.
• frágangi fúga, kanta og aðliggjandi byggingahluta.
• öryggisreglum og öryggisbúnaði við uppsetningu útveggjaklæðninga.

Leikniviðmið

Nemandi skal hafa öðlast leikni í að:

• greina mismunandi álag á byggingar og áhrif þess á efnisval og útfærslur.

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• gera sér grein fyrir algengum mistökum varðandi einangrun.