UPPT1SR05 - Upplýsingatækni - sjúkraskrár

Lýsing

Upplýsingatækni - sjúkraskrár

Einingafjöldi : 5

Þrep : 1

Í áfanganum er fjallað um skráningu og meðferð persónuupplýsinga í sjúkraskrá, varðveislu þeirra gagna, þagnarskyldu um upplýsingar í sjúkraskrám og rafræna sjúkraskrá. Farið í lög um sjúkraskrá, réttindi sjúklinga, hlutverk og skyldur heilbrigðisstarfsfólks í tengslum við sjúkraskrá. Upplýsingaleit á netinu m.a. skoðaður gagnagrunnar fyrir heilbrigðisvísindi, leitað verður í þessum gagnagrunnum að upplýsingum og nauðsyn þeirra metin. Fjallað er um uppsetningu ritgerða, áreiðaleika heimilda og uppsetning ritgerða samkvæmt APA tilvísunarkerfinu.

Þekkingarviðmið

Nemandi skal hafa öðlast þekkingu og skilning á:

• hvað sjúkraskrár eru, varðveislu þeirra og á hvaða formi þær eru varðveittar
• hvaða lög gilda um réttindi sjúklinga, sjúkraskrár og heilbrigðisstarfsfólk
• upplýsingaleit í heilbrigðisvísindum og mat á áreiðanleika þeirra
• gerð heimildaritgerða og heimildanotkun

Leikniviðmið

Nemandi skal hafa öðlast leikni í að:

• skrá samkvæmt skráningarkerfum sem notuð eru í heilbrigðiskerfinu og geta leitað í rafrænni sjúkraskrá að upplýsingum
• leita á vefnum að upplýsingum um heilsu, heilbrigði og hjúkrun og meta trúverðugleika þeirra
• kynna lög um sjúklinga, sjúkraskrá og heilbrigðisstarfsfólk á greinagóðan hátt
• skrifa heimildaritgerð skv. APA heimildaskráningakerfinu
• virða þagnarskyldu

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• rökstyðja lög er varða sjúklinga, heilbrigðisstarfsfólk og umhverfi þeirra
• geta nýtt sér heilbrigðisgagnagrunna á netinu
• meta áreiðanleika heimilda á netinu
• skrifa heimildaritgerð samkvæmt viðurkenndum aðferðum
• leita í sjúkraskrám að upplýsingum sem þar eru