TNTÆ2CR04 - Tölvu- og nettækni - rökrásir 2

Lýsing

Tölvu- og nettækni – rökrásir 2

Einingafjöldi : 4

Þrep : 2

Í áfanganum læra nemendur um samrásir: Vippur (Flip-Flop), teljara (Counters), hliðrunarregistur, minnisrásir ásamt örtölvum. Virkni lása og vippna er krufin svo og samstilltir og ósamstilltir teljarar. Nemendur þjálfast í bilanaleit í rökrásastýringum með notkun mælitæka "púlsgrafa, sveiflusjá, AVO" til að geta rakið bilanir í rökrásakerfum. Nemendur nota smátölvur t.d Arduino til forritunar ásamt því kynnast helstu nýjungum í tölvutækni.

Þekkingarviðmið

Nemandi skal hafa öðlast þekkingu og skilning á:

• vippum, teljurum, hliðrunarregisterum.
• minnum og örtölvum.
• notkun mælitækja við bilanaleit.
• mismun á TTL og CMOS rásum.
• smátölvum og notagildi þeirra.
• notkun á forritun til stýringa.

Leikniviðmið

Nemandi skal hafa öðlast leikni í að:

• teikna og setja upp einfalda teljararás.
• bilanagreina rökrásir með sveiflusjá, púlsgreiningu og AVO mælingum.
• forrita smátölvu til einfaldra verka og tengja við hana íhluti eða samrásir.

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• gera við einfaldar rökrásir.
• beita mælitækjum til bilanagreininga.
• setja upp einfaldar teljararásir.
• bilanagreina einfaldar rökrásir og teljara.
• ná í, breyta eða skrifa kóða fyrir smátölvu t.d Arduino.