TNTÆ2BR04 - Tölvu- og nettækni - rökrásir

Lýsing

Tölvu- og nettækni - rökrásir

Einingafjöldi : 4

Þrep : 2

Í áfanganum þjálfast nemendur í notkun sannleikstaflna. Læra að nota bólska algebru og Karnaugh-kort til þess að hanna og einfalda rökrásir. Þeir kynnast samrásum og virkni þeirra sbr.: samlagningarrás (Adder), samanburðarrás (Comparator), línufækkari/fjölgari (Mux/Demux), kóðabreytir (Decoder), línuveljari (Encoder). Hermiforrit eru notuð við prófun rása. Lögð er áhersla á að nemendur geti hannað rásir annað hvort fyrir prentplötu eða á brauðbretti, komið fyrir íhlutum og prófað, einnig að nemendur fái innsýn í forritanlega örgjörva og hvernig hægt er að forrita þá og nota t.d í skynjararásum.

Þekkingarviðmið

Nemandi skal hafa öðlast þekkingu og skilning á:

• notkun bólskrar algebru og Karnaugh-korta til einföldunar á rökrásum.
• virkni helstu samrása.
• aðferðum og tækni við að forrita örgjörva.

Leikniviðmið

Nemandi skal hafa öðlast leikni í að:

• nota bólska algebru og Karnaug-kort til að einfalda rökrásir.
• tengja samrásir í hermiforritum og brauðbrettum til að prófa.
• smíða/tengja, prentrásir/brauðbretti fyrir samrásir eða smátölvur.
• forrita litla örgjörva/smátölvur.

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• beita mælitækjum við að prófa samrásir.
• beita tölvuhermiforritum til prófunar á rökrásum og samrásum.
• hanna rásir fyrir prentrásir eða brauðbretti.
• forrita örgjörva/smátölvu eftir ákveðinni forskrift.