TEIK3PL04 - Teikningar og verklýsingar III - Pípulagnir

Lýsing

Teikningar og verkýsingar III - Pípulagnir

Einingafjöldi : 4

Þrep : 3

Í áfanganum öðlast nemendur þekkingu og færni í að lesa og teikna uppdrætti af sérhæfðum lagnakerfum eins og snjóbræðslu-, gas- og vatnsúðakerfum, kæliröftum m.m. Jafnframt er farið yfir teiknitákn og teiknireglur fyrir stýringar og tæknibúnað lagnakerfa og komið inn á reyndaruppdrætti m.a. vegna endurlagna og viðgerða. Lögð er áhersla á gerð notkunarleiðbeininga fyrir lagnakerfi og komið inn á gæðamál, staðla og verklýsingar. Nemendur læra um notkun tölvutækni við gerð og miðlun lagnauppdrátta og annarra hönnunargagna. Kennslan byggist aðallega á verkefnavinnu nemenda og lögð er áhersla á sjálfstæð vinnubrögð.
Þekkingarviðmið

Nemandi skal hafa öðlast þekkingu og skilning á:

• sérhæfðum lagnakerfum og tæknibúnaði lagnakerfa.
• ákvæðum byggingareglugerðar sem eiga við um sérhæfð lagnakerfi.
• reglum Brunamálastofnunar og Vinnueftirlitsins um gaslagnir.
• stöðlum um mannvirkja- og tækniteikningar sem tengjast lagnabúnaði.
• tæknilegum útfærslum einstakra sérhæfðra lagnakerfa.
• uppdráttum og teiknitáknum fyrir sérhæfð lagnakerfi og tæknibúnað.
• fagheitum og efnisnotkun í lagnateikningum fyrir sérhæfð lagnakerfi.

Leikniviðmið

Nemandi skal hafa öðlast leikni í að:

• beita reglum um endurlagnir og viðgerðir á lagnakerfum.
• nota Rb-blöð í upplýsingaleit og við gerð teikninga.
• lesa og vinna með teikningar af sérhæfðum lagnakerfum, stýringum og tæknibúnaði.
• lesa og skilja merkingar á teikningum og meðfylgjandi verklýsingar.

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• nota algengustu teikniforrit á tölvu og beita þeim við gerð og miðlun lagnauppdrátta og annarra hönnunargagna.
• gera notendaleiðbeiningar fyrir lagnakerfi út frá uppdrætti og verklýsingu.
• gera efnisáætlun fyrir sérhæfð lagnakerfi og tækjaklefa.