TEIK2HH05 - Teikningar og verklýsingar í húsasmíði IV

Lýsing

Teikningar og verkýsingar IV - Húsasmíði

Einingafjöldi : 5

Þrep : 2

Nemendur fá áframhaldandi þjálfun í lestri og gerð byggingateikninga en nú með áherslu á timburhús og þakvirki. Haldið er áfram umfjöllun um almenna byggingauppdrætti en samhliða koma einnig burðarvirkisuppdrættir þar sem m.a. er komið inn á ýmiss konar álag á byggingar og brunahönnun. Fjallað er um algengustu útfærslur burðarvirkja úr tré, byggingatæknilegar lausnir, hönnunarforsendur, verklýsingar með tilliti til m.a. efniskrafna og einangrunar. Nemendur kynnast mátkerfi fyrir byggingariðnaðinn og fá þjálfun í gerð efnislista og kostnaðarútreikninga á grundvelli hönnunargagna. Áfanginn er ætlaður húsasmiðum og byggist á verkefnavinnu með leiðsögn kennara 

Þekkingarviðmið

Nemandi skal hafa öðlast þekkingu og skilning á:

• trévirkjum timburhúsansta og útfærslum eikra byggingarhluta
• ákvæðum reglugerðar um byggingarefni húsa með áherslu á timbur
• helstu ákvæðum reglugerðar um brunavarnir og einangrunbygginga
• íslenskum stöðlum um timbur og festingar í burðarvirki húsa
• helstu fagheitum á byggingar- og burðarvirkisuppdráttum
• mátkerfum fyrir byggingariðnaðinn og hagnýtingu þeirra
• hvernig lesa og vinna á með teikningar af timburhúsum og trévirkjum
• helstu gerðum uppdrátta og teikninga og öll almenn teiknitákn
• lestri, merkingum og verklýsingum á teikningum
• teikniaðferðum og teiknireglum fyrir trévirki og timburhús

Leikniviðmið

Nemandi skal hafa öðlast leikni í að:

• gera efnislista og einfalda kostnaðarútreikninga á grundvelli teikninga
• teikna algengustu deililausnir trévirkja og lítið timburhús geti gert rissmyndir af deililausnum einstakra byggingarhluta úr tré
• gera uppdrætti af litlu timburhúsi og deiliteikningar trévirkja

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• geta stuðst við Rb-blöð í upplýsingaleit og við gerð teikninga
• hafa innsýn í tæknilegar útfærslur vegna álags og einangrunar