SÉLA2PL03 - Sérhæfð lagnakerfi I

Lýsing

Sérhæfð lagnakerfi I

Einingafjöldi : 3

Þrep : 2

Í áfanganum er farið yfir ýmis sérhæfð lagnakerfi sem eru mikilvægur hluti af verksviði pípulagningamanna. Fjallað er um snjóbræðslu- og vatnsúðakerfi, hreinsi- og hitakerfi fyrir sundlaugar, lífræn hreinlætiskerfi og rotþrær. Lögð er áhersla á að nemendur læri um uppbyggingu þessara kerfa, sérkenni þeirra, lagnaefni, dælu- og stjórnbúnað.

Þekkingarviðmið

Nemandi skal hafa öðlast þekkingu og skilning á:

• snjóbræðslukerfum og lagnaefni og búnaði fyrir þau.
• grunnreglum fyrir lögn og tengingu.
• stýringum og reglun fyrir snjóbræðslukerfi.
• notkun millihitara og frostlagar á snjóbræðslukerfi.
• vatnsúðakerfum til brunavarna.
• virkni loftþjappa, lögn þrýstiloftsleiðslna og öryggiskröfum í vatnsúðakerfum.
• grunnatriðum í hreinlætis- og hitakerfum sundlauga.
• lífrænum fráveitukerfum.

Leikniviðmið

Nemandi skal hafa öðlast leikni í að:

• velja lagnaefni og búnað fyrir snjóbræðslukerfi.
• útfæra lagnir snjóbræðslukerfa í gamlar og nýjar tröppur.
• meta undirlag og þekingarefni fyrir snjóbræðslulagnir og kanna hæðarlegu.
• leggja vatnsúðakerfi, setja upp og tengja tilheyrandi stjórntæki.
• setja upp lífræn salerni og rotþrær.

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• leggja snjóbræðslukerfi við mismunandi aðstæður og skilyrði.
• vinna í samræmi við viðurkenndar öryggisreglur og öryggisbúnað.
• tengja loftþjöppur, leggja loftþrýstilagnir og setja upp nauðsynleg stjórn- og öryggistæki í vatnsúðakerfum.
• leggja hreinsilagnir og setja upp tilheyrandi búnað fyrir sundlaugar og gangsetja kerfin.
• setja upp og tengja lífræn salerni og rotþrær.