SAGA2ÁN05 - Saga - átjanda öld til nútímans

Lýsing

Saga – átjánda öld til nútímans

Einingafjöldi : 5

Þrep : 2

Fjallað er um sögu Íslands og umheimsins frá því um 1750 til nútímans. Megináhersla er lögð á eftirfarandi þætti: Byltingarstraumar, iðnbylting og áhrif hennar, nýlendustefna, sjálfstæðisbarátta Íslendinga, heimsstyrjaldirnar tvær ásamt millistríðsárunum, rússneska byltingin, kalda stríðið og ný heimsmynd að loknu kalda stríðinu. 

Þekkingarviðmið

Nemandi skal hafa öðlast þekkingu og skilning á:

• völdum þáttum í mannkynssögu og Íslandssögu á umfjöllunartíma áfangans
• þeim rannsóknaaðferðum sem notaðar eru í sagnfræði
• helstu einkennum þeirra tímaskeiða og atburða sem fjallað er um
• grundvallarreglum sem fylgja skal við gerð heimildaverkefna

Leikniviðmið

Nemandi skal hafa öðlast leikni í að:

• geta gert grein fyrir aðalatriðum áfangans með skipulögðum hætti
• nýta sér fjölbreytta miðla við námið
• meta orsakir og afleiðingar í tímaröð
• taka þátt í rökræðum um álitamál hvað efnið varðar
• afla sér heimilda og vinna heimildaverkefni með öguðum hætti, bæði einstaklings- og hópverkefni

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• meta sögulega atburði út frá forsendum hvers tíma
• tengja efni áfangans við nútímann
• leita uppi fjölþættar heimildir sem tengjast námsefninu
• vinna heimildaverkefni bæði stór og smá í samræmi við þær kröfur sem gerðar eru til heimildavinnu