SAGA1MF05 - Mannkynssaga til 1800

Lýsing

Mannkynssaga til 1800

Einingafjöldi : 5

Þrep : 1

Hér er sögunni fylgt frá fornöld og fram til um 1800 e.Kr. Áherslan er þó að mestu leyti á sögu vestrænnar menningar. Lögð er áhersla á ákveðin tímabil eða efnisatriði þar sem nánar er farið í vissa sögulega atburði. Reynt er að skapa heildstæða mynd af þróun sögu mannkyns frá fornöld til upphafs nútímans. 

Þekkingarviðmið

Nemandi skal hafa öðlast þekkingu og skilning á:

• sögulegum bakgrunni atburða líðandi stundar
• margbreytilegu mannlífi bæði í fortíð og nútíð á Íslandi og annars staðar
• helstu vinnubrögðum við heimildaleit og heimildanotkun

Leikniviðmið

Nemandi skal hafa öðlast leikni í að:

• afla sér þekkingar um söguleg efni á sem fjölbreyttastan hátt
• vinna ýmist einn eða með öðrum að sameiginlegu sagnfræðilegu markmiði

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• taka afstöðu til atburða fortíðarinnar og vinna með upplýsingar á gagnrýninn hátt
• setja sjálfur fram upplýsingar á fjölbreytilegan hátt
• meta og greina orsakir og afleiðingar sögulegra atburða