RENN2VB03 - Rennismíði 1

Lýsing

Rennismíði 1

Einingafjöldi : 3

Þrep : 2

Nemendur kynnast og verða færir um að beita rennibekk og fræsivél og öðlast fullkomið vald á öryggismálum og umhirðu spóntökuvéla. Þeir öðlast nægilega færni til að leysa einföld verkefni í rennibekk innan málvika og þjálfast í að finna réttar deilingar í deildir og einfaldan vinnslutíma og finna færslur samkvæmt töflum. Nemendur læra og þjálfast í að gera verkáætlanir. 

Þekkingarviðmið

Nemandi skal hafa öðlast þekkingu og skilning á:

• mismunandi hlutum rennibekkjarins og tilgangi þeirra.
• stillimöguleikum rennibekkjarins fyrir mismunandi verk.
• tilgangi horna skurðarverkfæra.
• helstu uppspenniaðferðum í rennibekk.
• vinnslu með mismunandi gerðum stáls, t.d. hrað- og harðstáli.
• fín- og grófrennsli.
• notkunarmöguleikum og breytingu kastmælis.

Leikniviðmið

Nemandi skal hafa öðlast leikni í að:

• reikna út snúningshraða/skurðarhraða fyrir mismunandi vinnsluefni samkvæmt töflum.
• meta og velja rétt verkfæri við lausn verka.
• skilgreina heiti horna skurðarverkfæra og stærðir þeirra fyrir mismunandi vinnsluefni.
• nota algengan uppspennibúnað.
• slípa hnífstál og skrúfuskurðarstál.
• skrúfuskera í rennibekk með tappa og bakka.
• skrúfuskera öxul með skrúfuskurðarstáli.

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• leysa einföld verkefni í rennibekk innan 0,1 mm málvika.
• hafa fullkomið vald á öryggismálum og umhirðu spóntökuvél.
• gera einfaldar verkáætlanir.
• nota deili við kantfræsingu.