REIT2AR04 - Rafeindatækni 1

Lýsing

Rafeindatækni 1

Einingafjöldi : 4

Þrep : 2

Áfanginn fjallar um hálfleiðara, sérstaklega helstu gerðir af díóðum (tvistum), virkni þeirra og notkunarmöguleika. Farið er í hvernig nota má díóður í afriðun og kenndar nokkrar leiðir til að umbreyta AC í DC. Einnig er farið í grunnvirkni transistors og hvernig hann er forspenntur og farið í DC útreikninga transistors. Gert er ráð fyrir að nemendur læri einnig á helstu mælitæki svo sem fjölsviðsmæli og sveiflusjá auk þess að nota hermiforrit við mælingar á rásum. 

Þekkingarviðmið

Nemandi skal hafa öðlast þekkingu og skilning á:

• teiknitáknum díóða og BJT transistora.
• virkni díóða og BJT transistora.
• helstu gerðum afriðla og virkni þeirra.
• í hvað þessir íhlutir eru helst notaðir.

Leikniviðmið

Nemandi skal hafa öðlast leikni í að:

• reikna einfaldar rásir með díóðum og transistorum.
• reikna út DC spennu á mismunandi afriðlum.
• teikna einfaldar rafeindarásir.
• nota helstu mælitæki sem notuð eru í rafeindatækni.
• nota hermiforrit til mælinga á rafeindarásum.

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

hanna einfaldar rafeindarásir með díóðum og transistorum.

gera mælingar á þessum rásum og geta reiknað þær til samanburðar á mældum niðurstöðum.

geta skilað af sér skýrslu um mælingar á rásum.

geta framkvæmt mælingar til að ganga úr skugga um hvort íhlutir séu í lagi eða ekki.