RAMV2BV04 - Rafmagnsfræði 2

Lýsing

Rafmagnsfræði 2

Einingafjöldi : 4

Þrep : 2

Í áfanganum er lögð áhersla á rafmagnsfræði riðstraums. Nemendur öðlast frekari þekkingu á segulmagni og rafsegulmagni og verða færir um að útskýra grundvallarvinnumáta rafvéla út frá því. Nemendur öðlast víðtæka þekkingu á rafsviði, spani og segulsviði. Einnig öðlast þeir þekkingu á undirstöðuatriðum riðstraumsrása og riðstraumsvéla og öðlast grunnþjálfun í lestri rafteikninga svo sem kassateikninga, einlínuteikninga og straumrásarteikninga. Kenna þarf áfangann samkvæmt STCW alþjóðasamþykktinni með viðeigandi vottun. Nám í áfanganum (og undanfarandi áföngum ef við á) skal samsvara þeim kröfum sem gerðar eru í tilteknum hlutum samþykktarinnar eins og nánar er tilgreint í tilvísanalista sem fylgir námsbrautar-lýsingunni. Kenna þarf áfangann samkvæmt STCW alþjóðasamþykktinni með viðeigandi vottun. Nám í áfanganum (og undanfarandi áföngum ef við á) skal samsvara þeim kröfum sem gerðar eru í tilteknum hlutum samþykktarinnar eins og nánar er tilgreint í tilvísanalista sem fylgir námsbrautarlýsingunni.

Þekkingarviðmið

Nemandi skal hafa öðlast þekkingu og skilning á:

• einangrunarmælingum í rafkerfi.
• segulmagni, rafsegulmagni og virkni þessara þátta í rafvélum.
• undirstöðuatriðum riðstraums og riðstraumsrása.
• afli og fasviki í einfasa og þriggja fasa riðstraumsrásum.
• uppbyggingu og hlutverki segulrofa og grunntengingum hans.
• uppbyggingu rafkerfis í smábátum og einstökum hlutum þess.
• rafkerfum dísilvéla.
• áhrifum fasviks á rafkerfi.

Leikniviðmið

Nemandi skal hafa öðlast leikni í að:

• útskýra einangrunarmælingar í rafkerfi.
• útskýra segulmagn í rafvélum.
• útskýra undirstöðuatriði í straumrásum.
• finna fasvik í einfasa og þriggja fasa riðstraumsrásum með hjálp vektoramynda.
• útskýra uppbyggingu rafkerfis í smábátum og einstaka hluta þess.
• greina á milli seguslviðs, spans og rafsviðs.

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• sjá um rafbúnað í minni skipum.
• þjónusta rafvélar minni skipa.
• bregðast rétt við algengum bilunum í rafkerfum skips.
• lesa rafmagnsteikningar og nýta í bilanaleit.
• vinna kerfisbundið að því að finna bilanir í rafkerfum skipa og díselvéla.