RAFL2CR03 - Raflagnir 3

Lýsing

Raflagnir 3

Einingafjöldi : 3

Þrep : 2

Í áfanganum er aðaláhersla á varbúnað, vírsverleika og rafdreifiskápa. Nemendur læra að draga út fyrir eins og þriggja fasa mælum. Farið er í uppbyggingu á minni húsveitum, staðsetningu á búnaði, lagnaleiðir og brunaþéttingar kynntar. Innfelldar og áfelldar lagnir. Farið er í reglugerðarákvæði varnarráðstafana sem varða snerti- og brunahættu. Lögð er áhersla á skilning nemenda á varbúnaði, bruna- og snertihættu. Skoðað er hvernig raflagnir geta verið misjafnar eftir aðstæðum og kröfum og hvernig prófun á rafmagnsöryggi fer fram. Nemendur fá þjálfun í notkun mælitækja og lögð er áhersla á fagmannleg vinnubrögð. Nemendur kynnast slysavörnum við rafvirkjavinnu. 

Þekkingarviðmið

Nemandi skal hafa öðlast þekkingu og skilning á:

• hættu á skemmdum á búnaði þegar mælitækjum er beitt.
• reglum um sverleika leiðara miðað við áraun og staðla sem um það gilda.
• reglum um varnarráðstafanir er varða snerti- og brunahættu.
• mælitækjum sem notuð eru við bilanaleit.
• uppbyggingu minni veitna og mikilvægi efnisvals í þær.
• öryggi þess að hafa skipulag og þrifalegt á vinnustaðnum.

Leikniviðmið

Nemandi skal hafa öðlast leikni í að:

• mæla einangrunarbilun og spennur í veitum.
• leggja rör og strengi og ganga frá dreifiskáp.
• lesa úr uppdráttum og fyrirmælum.
• tengja ýmsar gerðir fjarrofa.

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• leggja raflagnir í minni veitur.
• draga út fyrir mælum.
• vinna eftir fyrirmælum.
• gera sér grein fyrir röð varnarráðstafana í húsveitum.
• ákveða vírsverleika lagna.
• einangra, mæla og finna bilun í húskerfi.