RAFL1AR03 - Raflagnir 1

Lýsing

Raflagnir 1

Einingafjöldi : 3

Þrep : 1

Nemendur kynnast starfi og starfssviði rafiðnaðarmannsins og öðlast skilning á efnisfræði raflagna. Fjallað er um framleiðslu rafmagns og mismunandi gerðir flutningskerfa og nemendur fræddir um virkni ólíkra rofa með tengi- og smíðaverkefnum. Einnig kynnast þeir því efni sem notað er í einfaldar raflagnir. Nemendur fá fræðslu um öryggismál og eru kynntar reglugerðir sem í gildi eru og snerta námsþætti þessa áfanga. Nemendur fá innsýn í þróun öryggismála og hvernig reglugerðir og staðlar koma við sögu. Nemendur fá innsýn í virkni veitukerfa, varnaraðgerða og heimtauga. 

Þekkingarviðmið

Nemandi skal hafa öðlast þekkingu og skilning á:

• öryggismálum og reglugerðum er varða vinnu við rafmagn.
• verkfærum rafiðnarmannsins og helstu störfum.
• skilning á virkni mismunandi rofa.
• helstu teiknitáknum.
• litakóða víra.
• mikilvægi staðla og reglugerða.

Leikniviðmið

Nemandi skal hafa öðlast leikni í að:

• tengja rofa, samrofa, krónurofa og krossrofa.
• leggja kapallagnir fagmannlega á lítið spjald.
• leggja röralagnir fagmannlega á lítið spjald.
• tengja falir, klær og fjöltengi.
• beita réttum verkfærum.

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• geta valið einfaldan lagnabúnað með tilliti til aðstæðna.
• geta greint mun á faglegum og ófaglegum vinnubrögðum.
• gæta fyllsta öryggis í umgengni við rafmagn.