PRJH1UF05 - Prjón og hekl grunnatriði

Lýsing

Prjón og hekl : grunnatriði

Einingafjöldi : 5

Þrep : 1

Í áfanganum er lögð áhersla á að nemandi læri grunnatriði prjóns og hekls. Kenndar verða aðferðir við frágang bæði prjónaðra og heklaðra verkefna. Áhersla er einnig lögð á að nemandinn öðlist öryggi og sjálfstæði í vinnubrögðum, læri að lesa uppskriftir og fara eftir þeim. 

Þekkingarviðmið

Nemandi skal hafa öðlast þekkingu og skilning á:

• grunnatriðum í hekli og prjóni í máli og myndum
• lita og framleiðslunúmerum garns
• samhengi milli tegundar garns og stærðar prjóna og heklunála sem nota skal meðferð og frágangi full gerðra verkefna
• hvar hægt er að finna uppskriftir og kennslumyndbönd á veraldarvefnum

Leikniviðmið

Nemandi skal hafa öðlast leikni í að:

• lesa og skilja uppskriftir
• nýta sér kennslumyndbönd á veraldarvefnum
• hekla loftlykkju, keðjulykkju,fastapinna og stuðla
• fitja upp á prjónuðu verkefni
• prjóna slétta og brugðna lykkju, fella af og lykkja saman.
• prjóna mynsturprjón og taka upp lykkjur
• ganga frá endum í prjónuðum og hekluðum verkum
• þvo og pressa verkefni eins og við á hverju sinni
• vanda vinnubrögð við alla þætti vinnuferlisins

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• geta nýtt sér upplýsingatækni við vinnu í prjóni og hekli
• lesa úr og nota vinnuleiðbeiningar í máli og myndum
• vanda alla þætti ferilsins