MYNL1HU05 - Myndlist: hugmyndavinna og ferli

Lýsing

Myndlist : hugmyndavinna og ferli

Einingafjöldi : 5

Þrep : 1

Viðfangsefni áfangans eru hugmyndavinna, skapandi hugsun, sköpunarferli og þróun hugmynda. Áhersla er lögð á sjálfstæða sköpun og skilning á þróun hugmynda og myndrænu ferli. Notkun skissubókar við þróun og úrvinnslu hugmynda. Teikning, grafískar aðferðir, bókverk, myndræn ferli af ýmsu tagi. 

Þekkingarviðmið

Nemandi skal hafa öðlast þekkingu og skilning á:

• aðferðum við að fá hugmyndir og vinna úr þeim svo sem að afla sér efnis, flokka það og nýta við hugmyndavinnu eða fá hugmynd og styrkja hana með efnisöflun
• kunna skil á ýmsum aðferðum við fjölföldun svo sem grafískum aðferðum
• hugtökum tengdum hugmyndavinnu, ferilvinnu og þrykki
• sköpunarferlinu og helstu vinnuaðferðum myndlistarmanna

Leikniviðmið

Nemandi skal hafa öðlast leikni í að:

• nýta sér helstu aðferðir við hugmyndavinnu
• nota skissubók við öflun og úrvinnslu hugmynda
• nota þrykk/grafískar aðferðir við myndsköpun
• geta notað stafræna tækni við efnisöflun og úrvinnslu hugmynda
• vinna sjálfstætt að eigin sköpun með þeirri aðferð sem hann kýs og hentar hugmyndinni
• geta tjáð sig um eigin verk og annarra

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• setja hugmyndir sínar fram í skissuformi
• nýta sér umræddar skissur við myndsköpun sína, velja úr hugmyndum, þróa þær og setja fram sem myndrænt ferli með því að hagnýta einhvern þeirra miðla sem unnið er með í áfanganum, svo sem þrykk eða aðrar grafískar aðferðir
• meta eigin hugmyndir út frá listrænum forsendum og velja úr þeim þær sem best henta til frekari úrvinnslu
• þróa eigin hugmyndir og setja þær fram í formi myndræns ferlis eða bókverks