LSTR2ME05 - Listir og menning
Lýsing
Listir og menning
Einingafjöldi : 5
Þrep : 2
Í áfanganum er fjallað um list sem tjáningarform og tæki til að skapa margvísleg áhrif og þá menningarþætti sem mótað hafa listsköpun mannsins í gegnum tíðina. Nemendur rannsaka ólíka þætti listalífsins, svo sem myndlist, handverk, hönnun, tónlist, dans, leiklist og kvikmyndagerð og skoða tilgang og áhrif lista í nútíð og fortíð. Jafnframt eru skoðuð áhrif lista og skapandi greina á atvinnu og nýsköpun. Lögð er áhersla á menningar-, félags-, náttúru- og heimspekilegar tengingar við viðfangsefnin. Markmiðið er að nemandinn öðlist hæfni til að tengja sig við þá menningu sem hann er hluti af og öðlist skilning á hvernig menning og listir tengjast atvinnusköpun og samfélagsþróun. Nemendur vinna að rannsóknum á afmörkuðum viðfangsefnum lista og menningar með ábyrgum og sjálfstæðum hætti.
Þekkingarviðmið
Nemandi skal hafa öðlast þekkingu og skilning á:
- rótum, áhrifum og tilgangi lista og menningar í nútíma samfélagi og í sögulegu samhengi
- menningarlegu og samfélagslegu gildi lista
- áhrif lista og skapandi greina á atvinnulíf og efnahag
- uppbyggingu, aðferðum, hugtökum og sérkennum mismunandi listgreina
Leikniviðmið
Nemandi skal hafa öðlast leikni í að:
- tengja margvíslegar listir og listform við menningu, samfélag, náttúru og tækni
- skoða og meta eigin gildi og viðhorf til margvíslegra listforma
Hæfniviðmið
Nemandi skal geta hagnýtt þá almennu þekkingu og leikni sem hann hefur aflað sér til að:
- skilja samspil menningar, sögu, tækniþróunar og listsköpunar
- skilja hlutverk menningar og sköpunar í eflingu skapandi greina
- tengja sig við þá menningu sem hann er hluti af
- fjalla um, greina og tjá sig á skýran, ábyrgan og gagnrýninn hátt um listsköpun
- vera meðvitaður um ólíka upplifun og skoðanir á mismunandi listformum