LÍFF2EF05 - Erfðafræði

Lýsing

Líffræði : erfðafræði

Einingafjöldi : 5

Þrep : 2

Áfanginn tekur að langmestu leyti á erfðafræði mannsins. Erfðafræði, erfðatækni, arfgengir sjúkdómar og sjúkdómar af völdum litningagalla, örverur, fósturþroskun og þróunarfræði eru til umfjöllunar. Kennslan fer fram með innlögn í formi fyrirlestra og verkefnavinnu þar sem nemendur vinna sem einstaklingar eða í hópum. Verklegar æfingar og skýrslur eru einnig hluti kennslunnar. 

Þekkingarviðmið

Nemandi skal hafa öðlast þekkingu og skilning á:

• grunnlögmálum, ferlum og eiginleikum frumuskiptinga og erfða
• stigum fósturþroskans
• erfðamengi mannsins, afritun og prótinmyndun
• erfðatækni og rannsóknaraðferðum
• grundvallarlögmálum þróunar
• örverum og príonum
• hvernig nýta má örverur í rannsóknum í erfðafræði
• orðaforða erfðafræðinnar á ensku

Leikniviðmið

Nemandi skal hafa öðlast leikni í að:

• greina á milli meiósu og mitósu
• lesa erfðafræðilegar upplýsingar úr máli og myndum
• rekja einfaldar erfðir
• segja fyrir um líkur á erfðum tengdra og ótengdra eiginleika
• tengja saman basaröð í DNA og amínósýrusamsetningu próteina
• fjalla um siðferðileg álitamál erfðatækninnar
• öflun frekari upplýsinga á sjálfstæðan hátt ásamt beitingu ýmiss konar rannsóknartækja við verklegar æfingar til að dýpka skilning sinn á námsefninu

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• auka skilning sinn á erfðafræðilegum viðfangsefnum
• taka rökstudda afstöðu til erfðafræðilegra dægurmála
• vinna saman í hópum og miðla niðurstöðum á gagnrýninn hátt í töluðu eða rituðu máli, myndrænt eða með töflum
• tengja saman efnisþætti við úrlausn verkefna með tilvísun í heimildir og draga ályktanir
• tengja undirstöðuþekkingu í erfðafræði við daglegt líf og átta sig á notagildi hennar