ÍÞRÓ1ST01 - Heilsuefling með Strava

Lýsing

Íþróttir : heilsuefling með Strava

Einingafjöldi : 1

Þrep : 1

Settu þér markmið. Fylgstu með framvindu þinni. Skoðaðu nýja staði. Með forritinu Strava gefst nemendum kostur á að halda utan um og skrá niður hreyfingu sína utan hefðbundinnar íþróttakennslu. Skráning er send umsjónarkennara áfangans sem heldur utan um viðunandi hreyfingu nemandans í Innu.  Miðað er við 24 klst. hreyfingu fyrir eininguna, t.d. með því að ganga um 1 1/2 klst. á viku í 16 vikur. 

Þekkingarviðmið

Nemandi skal hafa öðlast þekkingu og skilning á:

  • mikilvægi hreyfingar
  • áhrifum góðrar heilsugöngu á líkamann
  • líkamlegri, andlegri og félagslegri heilsu
  • leiðum til að nýta líkams- og heilsurækt við daglegar athafnir
  • notkun púlsmæla og göngumæla
  • gildi samvinnu, umburðarlyndis og virðingar
  • forvarnargildi líkamsræktar

Leikniviðmið

Nemandi skal hafa öðlast leikni í að:

  • ganga og velja sér góðar gönguleiðir
  • hreyfa sig til heilsubótar og ánægju
  • nýta sér tæknina til hvatningar á aukinni hreyfingu
  • taka tillit annarra og hvetja þá

Hæfniviðmið

Nemandi skal geta hagnýtt þá þekkingu og leikni sem hann hefur aflað sér til að:

  • stunda hreyfingu án mikils tilkostnaðar
  • sýna öðrum virðingu við leik, keppni, nám og störf
  • vinna að bættri heilsu í samvinnu við aðra
  • styrkja jákvæða sjálfsmynd með þátttöku í greininni
  • gera hreyfingu að lífsstíl