ÍSLE3YL05 - Íslenska - yndislestur

Lýsing

Íslenska : yndislestur

Einingafjöldi : 5

Þrep : 3

Í áfanganum er lögð áhersla á að nemendur lesi fjölbreyttar bókmenntir. Nemendur velja af lista bókmenntaverk sem höfða til þeirra og setja sjálfir saman lesáætlun annarinnar í samráði við kennara.
Nemendur halda lesdagbók/vangaveltubók þar sem kemur fram hugleiðing þeirra og túlkun um bókmenntaverkin.
Gert er ráð fyrir að nemendur lesi 6 til 20 bækur, það fer eftir því hvers konar bækur þeir hafa valið á listann. Nemendur velja eitt verk til að leita heimilda og kynna sér sérstaklega.
Nemendur þjálfast í að fjalla um og kynna viðfangsefni sín munnlega. Nemendur gera grein fyrir öllum bókmenntaverkum í samtali við kennara.

Þekkingarviðmið

Nemandi skal hafa öðlast þekkingu og skilning á:

• inntaki og einkennum þeirra verka sem lesin eru
• grunnhugtökum í bókmenntafræði
• orðaforða sem nægir til að fjalla um helstu bókmenntaverk

Leikniviðmið

Nemandi skal hafa öðlast leikni í að:

• lesa sér til gagns og gamans bókmenntaverk jafnt sem nytjatexta og fjalla um inntak þeirra
• beita gagnrýninni hugsun við úrvinnslu
• koma skoðunum sínum á framfæri á skýran og greinargóðan hátt
• skilja og nota algeng stílbrögð og málsnið í tal- og ritmáli
• sýna sjálfstæði í vinnubrögðum
• flétta saman eigin viðhorf og ályktanir á heiðarlegan hátt
• kynna af öryggi og túlka þær bókmenntir sem lesnar eru

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• túlka og bera saman bókmenntaverk
• setja fram skýran og vel uppbyggðan texta
• styrkja eigin málfærni og framsetningu talað máls
• tjá rökstudda afstöðu
• túlka texta og draga ályktanir af honum þó merkingin liggi ekki á yfirborðinu