ÍSLE3NB05 - Íslenska - nútímabókmenntir

Lýsing

Íslenska : nútímabókmenntir

Einingafjöldi : 5

Þrep : 3

Í áfanganum er lögð áhersla á að nemendur kynnist nútímabókmenntum frá 20. öld, með áherslu á seinni hluta 20. aldar og fram til dagsins í dag. Nemendur lesa skáldsögur, smásögur og ljóð tímabilsins og vinna fjölbreytt verkefni í ræðu og riti.

Þekkingarviðmið

Nemandi skal hafa öðlast þekkingu og skilning á:

• inntaki og einkennum þeirra verka sem lesin eru
• ritgerðarsmíð og heimildavinnu
• helstu einkennum íslensks máls sem nýtast honum í ræðu og riti
• orðaforða sem nægir til að lesa helstu verk íslenskrar bókmenntasögu
• helstu bókmenntastefnum sem tengjast viðfangsefninu

Leikniviðmið

Nemandi skal hafa öðlast leikni í að:

• skrifa ritgerðir þar sem hann beitir gagnrýninni hugsun við úrvinnslu og kemur efninu á framfæri á skýran og vandaðan hátt í blæbrigðaríku máli
• ganga frá texta til birtingar
• nýta sér uppbyggilega gagnrýni annarra
• skilja og nota viðeigandi stílbrögð og menningarlegar vísanir í tal- og ritmáli
• nýta sköpunargáfu við vinnslu skapandi verkefna
• sýna sjálfstæði í vinnubrögðum

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• túlka og bera saman bókmenntaverk og setja þau í sögulegt samhengi
• skrifa skýran og vel uppbyggðan texta
• velja ritstíl sem hæfir aðstæðum og viðtakendum
• leggja mat á og efla eigin málfærni og annarra
• tjá rökstudda afstöðu
• taka virkan þátt í umræðum