ÍSLE1TL05 - Læsi, ritun og tjáning

Íslenska : læsi, ritun og tjáning

Einingafjöldi : 5

Þrep : 1

Starfsbrautaráfangi

Áhersla er á læsi í víðu samhengi, s.s. á bókstafi og hljóð, umhverfi, tákn, reglur, samskiptamiðla, hugtök, tjáskipti, tilfinningar, lesefni og samskipti. Vinnuferlið miðast við að efla færni og sjálfsmynd nemenda til að takast á við lífið í framtíðinni, m.a. að efla samskiptalæsi og umhverfislæsi í þeim tilgangi að þeir verði virkari og hæfari þátttakendur í jafnréttis- og lýðræðissamfélagi. Notast verður við aldursmiðaðar bókmenntir, sjálfshjálparbækur, íslenska tónlist og fjölbreytt verkefni.

Þekkingarviðmið

Nemandi skal hafa öðlast þekkingu og skilning á:

• Hugtakinu læsi í víðu samhengi
• Mikilvægi tjáningar og skynjunar
• Ýmsum aldurs- og áhugamiðuðum hugtökum
• Mismunandi tjáskiptaleiðum
• Mikilvægi lesturs og bókmennta

Leikniviðmið

Nemandi skal hafa öðlast leikni í að:

• Nýta sér upplýsingar á stafrænum miðlum
• Tjá sig með fjölbreyttum leiðum
• Vinna með texta sem hann hefur lesið og/eða hlustað á
• Taka þátt í umræðum
• Nýta sér leiðréttingarforrit og ýmiss hjálpargögn til verkefnavinnu, s.s. talgervla og tjáskiptaforrit
• Lesa upp og/eða tjá sig fyrir framan aðra
• Lesa og/eða hlusta á texta sér til gagns og gleði

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• Nýta sér læsi í víðu samhengi
• Auka sjálfstraust sitt og trú á eigin málfærni í tjáningu og/eða ritun
• Hlusta á sjónarmið annarra af víðsýni
• Lesa í og/eða nýta sér upplýsingar sem koma fram í útvarpi, sjónvarpi og í netmiðlum
• Lesa í umhverfi, samskipti, tilfinningar og reglur í þeim tilgangi að átta sig á hvað er viðeigandi hverju sinni
• Tjá eigin skoðanir
• Lesa í ýmsa texta, s.s. bækur, fréttir og fræðigreinar með eða án aðstoðar