ÍSLE1SJ05 - Læsi, bókmenntir, hugtakaskilningur, málfræði, sjálfbærni og ritun

Lýsing

Íslenska : læsi, bókmenntir, hugtakaskilningur, málfræði, sjálfbærni og ritun

Einingafjöldi : 5

Þrep : 1

Starfsbrautaráfangi

Unnið verður með alla þætti íslenskunnar og grunnþátturinn sjálfbærni verður hafður að leiðarljósi. Notaðar verða aldursmiðaðar bókmenntir sem gefa fjölbreytta sýn á aðstæður og umhverfi ungs fólks. Einnig varða sjálfshjálparbækur, íslensk tónlist og fjölbreytt verkefni nýtt í kennslunni. Áhersla er á að námið verði sjálfbært í þeirri merkingu að það eigi eftir að nýtast nemendum í framtíðinni og færa þá nær raunveruleika lífsins í gegnum fræðslu og umfjöllun/upplifun

Þekkingarviðmið

Nemandi skal hafa öðlast þekkingu og skilning á:

• Hugtakinu sjálfbærni
• Fjölbreytileika lífs
• Að sérstaða manna meðal lífvera er margvísleg
• Mikilvægi tjáningar og skynjunar
• Ýmsum aldurs- og áhugamiðuðum hugtökum

Leikniviðmið

Nemandi skal hafa öðlast leikni í að:

• Átta sig á fjölbreytileika samfélagsins og mismunandi menningarheimum
• Að hægt er að nálgast viðfangsefni á fjölbreyttan hátt
• Að hægt er að nýta sér reynslu annarra til að takast á við sambærilegar aðstæður
• Tjá sig með fjölbreyttum leiðum
• Taka þátt í umræðum

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• Skilja þá hugsun sem felst í hugtakinu sjálfbærni
• Virða fjölbreytileika náttúru, umhverfis og fólks
• Hlusta á sjónarmið annarra af víðsýni