HJÚK3FG05 - Samfélagshjúkrun

Lýsing

Samfélagshjúkrun

Einingafjöldi : 5

Þrep : 3

Í áfanganum er fjallað um hugtök og kenningar í fjölskyldu- og geðhjúkrun ásamt heimahjúkrun og heilsugæslu. Farið er í kenningar um þroskaferil fjölskyldunnar, þarfir og verkefni fjölskyldumeðlima á ýmsum þroskastigum. Farið er í hugmyndafræði heilsueflingar og hjúkrunarviðfangsefni í tengslum við fjölskyldu- og heimahjúkrun. Fjallað er um algengar geðraskanir, hjúkrun, forvarnir og endurhæfingu geðsjúkra með áherslu á fjölskyldumiðaða nálgun. Áhersla er lögð á að nemandinn kynnist mikilvægi geðhjúkrunar á hinum ýmsu sviðum heilbrigðisþjónustunnar. Í áfanganum er lögð áhersla á tengingu fræðilegrar þekkingar við skipulagningu og framkvæmd hjúkrunar.

Þekkingarviðmið

Nemandi skal hafa öðlast þekkingu og skilning á:

• hugtökum og kenningum í fjölskyldu- og geðhjúkrun
• hugmyndafræði þroska- og fjölskyldukenninga
• heilsueflingu og forvörnum
• einkennum og hjúkrunarmeðferðum algengra geðraskanna og fíknisjúkdóma.

Leikniviðmið

Nemandi skal hafa öðlast leikni í að:

• túlka helstu kenningar og hugtök innan fjölskyldu- og geðhjúkrunar
• útskýra hlutverk heima- og heilsugæsluhjúkrunar
• bera saman hugmyndafræði mismunandi þroska- og fjölskyldukenninga
• vera þátttakandi í heilsueflingu og forvörnum í samfélaginu
• lýsa einkennum algengra geðraskana og fíknisjúkdóma
• nota viðurkenndar hjúkrunarmeðferðir í fjölskyldu- og geðhjúkrun

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• nota kenningar og hugtök innan fjölskylduhjúkrunar í raunverulegum verkefnum
• rökstyðja hjúkrunarmeðferðir í heima- og heilsugæsluhjúkrun og yfirfært hæfni úr öðrum í hjúkrunaráföngum í störfum sínum
• lýsa áhrifum veikinda einstaklings á fjölskylduna
• hjúkra einstaklingum með geðraskanir og fíknisjúkdóma
• beita þekkingu sinni í samvinnu við aðrar fagstéttir
• leiðbeina og fræða um heilsueflingu og forvarnir.