HAGF2AÞ05 - Þjóðhagfræði

Lýsing

Þjóðhagfræði

Einingafjöldi : 5

Þrep : 2

Kynnt eru grunnhugtök og meginviðfangsefni þjóðhagfræðinnar. Fjallað er um grunneiningar hagkerfisins og samspil þeirra í markaðsþjóðfélagi. Hringrás efnahagslífsins er útskýrð og fjallað um helstu hagstærðir þjóðarbúsins og innbyrðis tengsl þeirra. Meginþættir í efnahagsþróun eru teknir fyrir og hagræn vandamál skoðuð með dæmum úr íslensku efnahagslífi. Kynnt er margvísleg framsetning á hagfræðilegu efni. Áhersla er lögð á að nemendur geti hagnýtt sér netið til öflunar hagfræðilegra upplýsinga.

Þekkingarviðmið

Nemandi skal hafa öðlast þekkingu og skilning á:

• grundvallarhugtökum og meginviðfangsefnum þjóðhagfræðinnar
• hugtökum þjóðhagfræðinnar sem kynnt eru í þessum áfanga

Leikniviðmið

Nemandi skal hafa öðlast leikni í að:

• beita upplýsingatækni við öflun upplýsinga og lausn verkefna
• útskýra meðal annars framboð, eftirspurn, gengi, vísitölur, verðbólgu og hagvöxt

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• taka þátt í daglegri efnahagsumræðu
• túlka og greina fréttir um efnahagsmál
• reikna út ýmsar hagstærðir og lesa úr línuritum

Námsmat

Símat. Nemendur vinna raunhæf verkefni þar sem helstu hugtök og aðferðir eru notaðar.