GRTE1FF05 - Grunnteikning 1 - fallmyndun

Lýsing

Grunnteikning 1 : fallmyndun, fríhendisteikning, teikniskrift, ásmyndun

Einingafjöldi : 5

Þrep : 1

Í áfanganum er lögð áhersla á að nemendur öðlist almenna undirstöðuþekkingu og þjálfun í teiknifræðum. Áfanginn skiptist í tvo megin efnisþætti. Í fyrri efnisþætti læra nemendur fallmyndun og í þeim seinni ásmyndun og fríhendisteikningu. Í áfanganum er gert ráð fyrir að nemendur öðlist færni í meðferð og notkun mæli- og teikniáhalda, myndrænni vinnu með viðfangsefni starfsgreina, lestur teikninga og fái grunnþjálfun í gerð vinnuteikninga og þrívíðra rissteikninga. Áfanginn er undirbúningur fyrir áframhaldandi nám í teiknifræðum og lestri vinnuteikninga.

Þekkingarviðmið

Nemandi skal hafa öðlast þekkingu og skilning á:

• gerð fallmynda
• gerð sneiðmynda á einföldum hlutum
• vinnulagi við gerð einfaldra vinnuteikninga, svo sem málsetningu, mælikvörðum, myndröðun, staðsetningu teikninga á blaði, línugerðum og merkingu þeirra og styttingu flata og kanta
• teikniáhöldum og tilgangi þeirra
• teikningu ásmynda
• málsetningu ásmynda

Leikniviðmið

Nemandi skal hafa öðlast leikni í að:

• nota teikni- og mæliáhöld
• teikna einfaldar fallmyndir og sneiðmyndir samkvæmt viðurkenndum stöðum og venjum
• lesa og skilja einfaldar vinnuteikningar
• skrifa teikniskrift
• teikna fríhendis
• teikna ásmyndir af einföldum hlutum samkvæmt reglum, stöðlum og venjum
• málsetja ásmyndir fríhendis

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• lesa einfaldar fagbundnar teikningar á sviði hönnunnar og iðngreina
• skipuleggja, teikna og miðla á skilvirkan hátt einföldum fallmyndum
• skipuleggja, teikna og miðla á skilvirkan hátt einföldum fríhendisteikningum
• leggja stund á frekara nám í teiknifræðum