FJÁR1FD05 - Fjármálalæsi daglegs lífs

Lýsing

Fjármálalæsi daglegs lífs

Einingafjöldi : 5

Þrep : 1

Í áfanganum er lögð áhersla á að gera nemendur læsa á þá þætti fjármála sem snerta hinn almenna borgara. Þjálfuð er notkun reiknivéla og tölvuforrita sem tengjast rekstri einstaklings og heimila. Farið er í launaútreikninga, skattaskil og frádrátt, rekstur heimilis, bíls og aðrar fjárhagslegar skuldbindingar sem nemendur þurfa í framtíðinni að takast á hendur. Réttindi og skyldur á vinnumarkaði verða til umfjöllunar auk þess sem nemendur verða þjálfaðir í gerð ferilskrár og starfsumsókna. Fjallað er um upplýsingaleit og skipulag gagna í tölvu, netöryggi, persónuvernd og vírusvarnir. Sérstaklega er rætt um persónuupplýsingar á netinu, t.d. hvaða persónulegu upplýsingar ber að varast að setja á netið eða upplýsa um á spjallrásum

Þekkingarviðmið

Nemandi skal hafa öðlast þekkingu og skilning á:

• einföldum fjármálum daglegs lífs
• fjármálahugtökum daglegs lífs
• tilgangi skatts og annars frádráttar s.s. launatengd gjöld
• rekstri heimilis og bifreiðar
• gerð atvinnuumsókna, atvinnuleitar og gerð ferilskrár
• helstu þáttum sem snerta kröfur, réttindi og skyldur á vinnumarkaði
• helstu möguleikum í upplýsingatækni og þeim forritum sem tengjast fjármálum einstaklinga og rekstri heimila
• persónuvernd, ábyrgð og varkárni í allri umgengni við tölvur og netsamskipti

Leikniviðmið

Nemandi skal hafa öðlast leikni í að:

• lesa launaseðla og önnur fjármálatengd skjöl sem varða daglegt líf einstaklings og heimila
• reikna útborgun launa eftir skatt
• afla sér upplýsinga og geta notað algengustu forrit til nauðsynlegra útreikninga
• halda einfalt heimilisbókhald
• útbúa atvinnuumsókn og ferilskrá
• greina helstu hættur sem snúa að persónuvernd og samskiptum á netinu

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• skilja tilgang skatta og gjalda
• skilja samhengi tekna og útgjalda
• gera sér grein fyrir samhengi eigin fjárhags og neyslumynsturs
• lesa í og greina fjármálatilboð sem beinast að einstaklingum og heimilum
• setja saman ferilskrá og sækja um vinnu
• draga ályktanir varðandi trausta notkun upplýsingatækni
• skipuleggja varðveislu eigin gagna í tölvu