FÉLA3ÞR05 - Félagsfræði þróunarlanda

Lýsing

Félagsfræði : Félagsfræði þróunarlanda

Einingafjöldi : 5

Þrep : 3

Nemendur kynnast hugmyndum um skiptingu heimsins í þróuð lönd og vanþróuð. Farið er yfir þau hugtök sem hafa verið notuð um þróunarlönd og nemendur kynnast ólíkri merkingu þróunarhugtaksins. Fjallað er um menningu í þriðja heiminum og nemendur kynnast ólíkum kenningum um orsakir vanþróunar. Fjallað er um kosti þróunarsamvinnu, þátttöku Íslendinga í henni og gagnrýni á þessa samvinnu. Nemendur afla eigin upplýsinga um þróunarlönd og vinna úr þeim.

Þekkingarviðmið

Nemandi skal hafa öðlast þekkingu og skilning á:

• helstu viðfangsefnum og kenningum félagsfræði þróunarlanda
• helstu skýringum á þróunarvanda
• mismunandi tegundum þróunarsamvinnu

Leikniviðmið

Nemandi skal hafa öðlast leikni í að:

• beita mismunandi kenningum til að skoða þróun og þróunarsamvinnu
• afla eigin upplýsinga um vanda þróunarlanda og vinna úr þeim

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• gera grein fyrir þeim efnahagslegu- og félagslegu vandamálum sem ríki þriðja heimsins eiga við að etja
• leggja gagnrýnið mat á mismunandi hugmyndir um þróun og vanþróun
• meta ólíkar kenningar um vanda þróunarríkja
• meta kosti og galla þróunarsamvinnu
• taka gagnrýna afstöðu til umræðu um vanda þróunarlanda og misskiptingar í heiminum