FÉLA3AB05 - Afbrotafræði

Lýsing

Félagsfræði : Afbrotafræði

Einingafjöldi : 5

Þrep : 3

Aðalumfjöllunarefnið eru afbrot. Farið verður í hugtakið frávik og fjallað um ólíkar tegundir frávika. Spurningunni af hverju einstaklingar fremja afbrot verður velt upp. Hvaða brot eru algengust og hvaða áhrif refsingar hafa á afbrot. Mismunandi tegundir afbrota verða ræddar. Kenningar í afbrotafræði eru notaðar til að auka skilning á viðfangsefninu. Fjallað verður um afbrot í sögulegu samhengi, jafnt á Íslandi sem og erlendis. Viðmið og gildi ólíkra þjóðfélaga til afbrota tekin fyrir.

Þekkingarviðmið

Nemandi skal hafa öðlast þekkingu og skilning á:

• helstu hugtökum afbrotafræðinnar
• afbrotaflokkum og tegundum refsinga
• helstu kenningum í afbrotafræði
• afleiðingum og kostnaði samfélaga vegna afbrota
• völdum rannsóknarniðurstöðum innan afbrotafræðinnar
• tengslum afbrotafræði við aðrar greinar félagsvísindanna

Leikniviðmið

Nemandi skal hafa öðlast leikni í að:

• beita vinnubrögðum félagsvísinda
• miðla þekkingu sinni á fjölbreyttan og skipulegan hátt
• vinna með heimildir og að nota APA kerfið
• lesa og túlka fræðilegar rannsóknarniðurstöður
• afla upplýsinga sem tengjast afbrotum og geta greint þær

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• greina eðli ólíkra afbrota ...sem er metið með... verkefnum,prófum og munnlegri framsögn
• rökræða um málefni tengd afbrotafræði ...sem er metið með... verkefnum,prófum og munnlegri framsögn
• leggja sitt af mörkum til að vinna gegn fordómafullri umræðu tengdri afbrotum á Íslandi ...sem er metið með... verkefnum og munnlegri framsögn
• gera greinarmun á aðstæðum á Íslandi og erlendis ...sem er metið með... verkefnum,prófum og munnlegri framsögn
• setja sig í spor frávika til að öðlast skilning á mismunandi aðstæðum fólks ...sem er metið með... verkefnum og munnlegri framsögn