FÉLA2SF05 - Félags- og fjölmiðlafræði

Lýsing

Félagsfræði : Félags- og fjölmiðlafræði

Einingafjöldi : 5

Þrep : 2

Í áfanganum er fjallað um tilurð og tilgang fjölmiðla í samfélaginu. Reifaðar eru kenningar og rannsóknir um áhrifamátt fjölmiðla og þátt þeirra í félagsmótun einstaklinga. Fjallað er um hvern fjölmiðlaflokk fyrir sig, blöð og tímarit, ljósvakamiðla og netmiðla með sérstöku tilliti til fréttaflutnings í nútímasamfélagi og meðhöndlun þeirra á upplýsingum. Áfanganum er ætlað að auka skilning nemenda á fjölmiðlum í heild sinni og áhrifum þeirra til þess að þeir geti myndað sér rökstuddar skoðanir á upplýsingum sem fjölmiðlar birta

Þekkingarviðmið

Nemandi skal hafa öðlast þekkingu og skilning á:

• fjölmiðlum samfélagsins og þeim öflum sem móta þá
• sérstöðu hvers fjölmiðlaflokks fyrir sig og hvað þeir eiga sameiginlegt
• kenningum um áhrif fjölmiðla á viðhorf og hegðun einstaklinga
• hvernig fréttir berast til fjölmiðla og hvernig starfsfólk á fréttastofum vinnur úr upplýsingum sem valdar eru til birtingar

Leikniviðmið

Nemandi skal hafa öðlast leikni í að:

• túlka margvíslegar kannanir á notkun og efni fjölmiðla
• greina á milli hlutlægs og hlutdrægs fréttaflutnings

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

mynda sér rökstudda skoðun á upplýsingum sem birtist í fjölmiðlum

notfæra sér fjölmiðla til upplýsingaöflunar á gagnrýninn hátt

• mynda sér rökstudda skoðun á vægi og áhrif fjölmiðla innan samfélagsins