ENSK3KV05 - Enska, kvikmyndir og samfélag

Lýsing

Enska : kvikmyndir og samfélag

Einingafjöldi : 5

Þrep : 3

Byggt er á hæfni nemenda sem hafa lokið tíu feiningum á 3. þrepi í ensku. Í þessum áfanga er farið í sögu kvikmyndanna og lögð áhersla á gagnrýna skoðun á myndmáli og staðalímyndum í kvikmyndum. Meðal þess sem tekið er fyrir eru staðalímyndir kynþátta, birtingarmyndir stéttaskiptingar, kynhneigð, staða kynjanna og aðrir félagslegir þættir.

Þekkingarviðmið

Nemandi skal hafa öðlast þekkingu og skilning á:

• helstu hugtökum kvikmyndafræðinnar
• megin straumum og stefnum í kvikmyndasögunni
• algengum staðalímyndum og birtingarmyndum félagslegra þátta og áhrifum þeirra á samtímann

Leikniviðmið

Nemandi skal hafa öðlast leikni í að:

• beita helstu hugtökum kvikmyndafræðinnar á kvikmyndir
• taka þátt í gagnrýnum umræðum
• skrifa kvikmyndagagnrýni

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• tjá sig á markvissan hátt bæði í ræðu og riti um kvikmyndir af talsverðri þekkingu og dýpt
• geta tekið fullan þátt í umræðum og rökræðum þar sem fjallað er um persónuleg, menningarleg, félagsleg og fjölmenningarleg efni
• greina tegund kvikmyndar og hlutverk persóna í kvikmyndum
• túlka myndmál, draga ályktanir, gera grein fyrir máli sínu og rökstyðja skoðanir sínar