ENSK1TL04 - Enska með áherslu a tónlist

Lýsing

Enska : Enska með áherslu á tónlist

Einingafjöldi : 4

Þrep : 1

Starfsbrautaráfangi

Unnið verður með ensku í gegnum tónlist og dægurlagatexta. Áhersla verður á klassíska, popp- og rokktónlist í bland við það sem er vinsælast hverju sinni. Nemendur verða hvattir til að velta fyrir sér hvað textaskáldið er að segja í textunum. Nemendur bæta þannig jafnt og þétt við orðaforða og hugtakaskilning sinn.

Þekkingarviðmið

Nemandi skal hafa öðlast þekkingu og skilning á:

• Hvaða sögu textaskáldin eru að miðla hverju sinni
• Að oft má tengja saman áhugamál og nám
• Sköpun í formi ljóðagerðar og textasmíðar

Leikniviðmið

Nemandi skal hafa öðlast leikni í að:

• Hlusta á og vinna með mismunandi texta og ljóð
• Virða tónlistarsmekk annarra
• Átta sig á fjölbreytileika samfélagsins og mismunandi tegund tónlistar
• Taka þátt í umræðum

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• Efla orðaforða sinn
• Átta sig á að margir textar hafa ákveðinn boðskap
• Spyrja spurninga og hlusta á það sem aðrir hafa áhuga á
• Láta skoðanir sínar í ljós