DANS1DL05 - Danska - daglegt líf

Lýsing

Danska - daglegt líf : tal, hlustun, orðaforði og lestur, ritun

Einingafjöldi : 5

Þrep : 1

Í áfanganum er lögð áhersla á að byggja grunn í tungumálinu. Efni áfangans fjallar um daglegt líf og markmiðið er að styrkja alla færniþætti tungumálsins. Tal: Áhersla er lögð á að nemendur þjálfist í að tala einfalda dönsku. Hlustun: Nemendur vinna með hlustun sem tengist þeirra áhugasviði og daglegu lífi. Ritun: Nemendur skrifa stutta texta eins og t.d. persónuleg bréf, skilaboð eða endursögn um kvikmynd. Orðaforði: Nemendur vinna með orðaforða í tengslum við námsefnið. Lestur: Nemendur lesa smásögur og ýmiss konar léttlestrartexta.

Þekkingarviðmið

Nemandi skal hafa öðlast þekkingu og skilning á:

• grunnþáttum í ritun á dönsku
• daglegu lífi ungs fólks í Danmörku
• stuttum textum sem fjalla um kunnuglegt efni
• orðaforða sem tengist áhugasviði og daglegu lífi
• einföldu daglegu talmáli um kunnuglegt efni

Leikniviðmið

Nemandi skal hafa öðlast leikni í að:

• nota viðeigandi hjálpargögn og upplýsingatækni
• svara spurningum skriflega og skrifa stutta texta í samfelldu máli um efni sem hann hefur áhuga á eða þekkir til
• beita orðaforða á skýran og réttan hátt
• svara spurningum munnlega og taka þátt í einföldum samræðum um kunnuglegt efni
• skilja talað mál þegar talað er skýrt um kunnuglegt efni
• lesa ýmiss konar texta á eigin áhugasviði og beita viðeigandi lestraraðferðum hverju sinni

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• fylgjast með frásögnum og skilja aðalatriði ef efnið er kunnuglegt
• tileinka sér aðalatriðin í stuttum greinum og draga ályktanir af því sem hann les
• tjá skoðun sína
• lesa einfaldan skáldskap sér til ánægju
• miðla eigin skoðunum og tilfinningum
• skrifa stutta samantekt, t.d. um kvikmynd