ÁHTÆ1MR04 - Áhalda- og tækjafræði

Lýsing

Áhalda- og tækjafræði 

Einingafjöldi : 4

Þrep : 1

Farið yfir heiti, notkunarsvið, meðhöndlun, umhirðu, viðhald og öryggisatriði áhalda, tækja og véla sem notuð eru í múraraiðn. Enn fremur er fjallað um notkun, umhirðu, viðhald og öryggisatriði véla, verkfæra og áhalda á byggingavinnustöðum t.d. krana, lyftubúnað, vinnupalla o.fl.

Þekkingarviðmið

Nemandi skal hafa öðlast þekkingu og skilning á:

• öllum helstu handverkfærum í múrsmíði.
• öllum helstu sprautuvélum í múrsmíði.
• öllum helstu gerðum vélsaga í múrsmíði.
• öllum helstu handverkfærum við niðurlögn steinsteypu.
• öllum helstu véla‐ og rafmagnsverkfærum við steypuvinnu.
• öllum helstu handverkfærum við járnabindingar.
• öllum helstu véla‐ og rafmagnsverkfærum við járnabindingar.

Leikniviðmið

Nemandi skal hafa öðlast leikni í að:

• nota mismunandi flísaskera.
• nota mismunandi flísasagir.
• nota mismunandi blöð í flísa‐ og steinsagir.
• nota helstu stein‐ og höggborvélar.
• nota mismunandi hrærivélar.

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• fara með öll algengustu handverkfæri sem notuð eru við múrhúðun.
• fara með öll algengustu handverkfæri sem notuð eru við flísalagnir.
• fara með öll algengustu handverkfæri sem notuð eru við steinlagnir.
• fara með öll algengustu handverkfæri sem notuð eru við einangrun.
• fara með öll algengustu handverkfæri sem notuð eru við steypuvinnu.
• gæta fyllsta öryggis við meðferð ofangreindra tækja.
• sinna þrifum og umhirðu ofangreindra tækja.