MÁLV2GR05 - Málverk - grunnur

Lýsing

Málverk – grunnur

Einingafjöldi : 5

Þrep : 2

Nemendur læra að vinna á markvissan hátt með vatnsliti og akrýlliti. Farið verður dýpra í litafræði og blöndun lita en gert var í LITA2MT05 og nemendur þjálfa málun út frá breytilegum tónum, blæ og ljósmagni, m.a. með að vinna tvívíð óhlutbundin verk með áherslu á form, liti og myndbyggingu. Nemendur mála því næst tvívíð verk eftir fyrirmyndum, hlutum, manneskjum og umhverfi og styðjast einnig við eigin skissur og hugmyndir til að túlka málverk á persónulegan hátt. Nemendur skoða verk innlendra og erlendra listamanna sem vinna með málverk og þjálfast í að greina verk þeirra með tilliti til litanotkunar og vægi litarins í myndbyggingu. Íslenskir listmálarar verða kynntir, bæði í tímum og með sýningaferðum 

Þekkingarviðmið

Nemandi skal hafa öðlast þekkingu og skilning á:

• grunntækni við vatnslita- og akrýlmálun
• hvernig málverk breytist út frá breytingum í tónum, blæ, ljósmagni og myndbyggingu
• hvernig myndlistarmenn vinna undirbúningsvinnu fyrir endanlegt málverk og hvernig þeir nota þætti eins og mismunandi pensilskrift og litaskala til að sýna dýpt í mynd og mismunandi myndbyggingu

Leikniviðmið

Nemandi skal hafa öðlast leikni í að:

• mála með vatnslitum eftir mismunandi fyrirmyndum
• mála með akrýllitum eftir mismunandi fyrirmyndum

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• mála verk með vatnslitum og akrýllitum bæði eftir fyrirmyndum og eigin skissum og hugmyndaheimi ...sem er metið með... málverkum
• nota verk listamanna sem innblástur í gerð eigin málverka ...sem er metið með... verkefnum og málverkum
• greina hvernig ýmsir myndlistarmenn vinna með litina í málverkum sínum ...sem er metið með... verkefnum og munnlegri framsögn