LÍFS1KF05 - Kynfræðsla

Lýsing

Lífsleikni : kynfræðsla

Einingafjöldi : 5

Þrep : 1

Starfsbrautaráfangi

Áhersla er á kynfræðslu í þeim tilgangi að nemendur viti hvað felst í kynheilbrigði og að þeir öðlist jákvæðan skilning á kynlífi og öðlist hæfni til að viðhalda eigin kynheilbrigði. Stuðlað verður að því að nemendur læri að taka ábyrgar ákvarðanir á líðandi stundu og í framtíðinni.

Þekkingarviðmið

Nemandi skal hafa öðlast þekkingu og skilning á:

• Vexti og þroska líkamans
• Hugtökum um líkamshluta og kynlíf
• Að sjónarhorn allra er jafn mikilvægt
• Mikilvægi kynheilbrigðis
• Algengum kynsjúkdómum og getnaðarvörnum

Leikniviðmið

Nemandi skal hafa öðlast leikni í að:

• Íhuga og kanna eigið viðhorf til kynlífs
• Tjá skoðanir sínar
• Þekkja eigin líkama
• Eiga viðeigandi samskipti, sem einkennast af virðingu, við einstaklinga af báðum kynjum

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• Taka ígrundaðar ákvarðanir varðandi kynheilbrigði sitt
• Spyrja spurninga og hlusta á sjónarmið annarra af víðsýni
• Auka sjálfstæði sitt og trú á sjálfum sér
• Láta skoðanir sínar í ljós
• Vera meðvitaður um að kynferðisleg tjáning getur verið mismunandi