FÉLA2KA05 - Kenningar og aðferðafræði

Lýsing

Félagsfræði : kenningar og aðferðir

Einingafjöldi : 5

Þrep : 2

Í þessum áfanga er fjallað um frumkvöðla félagsfræðinnar og kynntar helstu kenningar greinarinnar með það að markmiði að nemendur öðlist skilning á lykilhugtökum greinarinnar og geti sett þau í fræðilegt samhengi. Í lok áfangans skulu nemendur hafa skilning á grundvallar hugtökum, kenningum og vinnubrögðum félagsfræðinnar og geti beitt þeim við túlkun og greiningu á samfélaginu.

Þekkingarviðmið

Nemandi skal hafa öðlast þekkingu og skilning á:

• helstu frumkvöðlum félagsfræðinnar og geta lýst framlagi þeirra til greinarinnar
• grunnkenningum félagsfræðinnar
• aðferðum sem notaðar eru við rannsóknir innan félagsfræðinnar
• lykilhugtökum félagsfræðinnar
• heimildavinnu innan félagsfræðinnar

Leikniviðmið

Nemandi skal hafa öðlast leikni í að:

• beita félagsfræðikenningum til að skoða samfélagsleg málefni
• nota aðferðarfræði félagsfræðinnar við einföld verkefni
• fjalla um og bera saman kenningar
• útskýra áhrif kenninga á samfélagsleg viðfangsefni

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

• tjá sig skipulega um einstaka efnisþætti innan félagsfræðinnar
• geta tekið þátt í umræðum um samfélagsleg málefni og myndað sér skoðanir sem byggðar eru á hugtökum og kenningum innan félagsfræðinnar
• geta framkvæmt einfalda rannsókn og áttað sig á helstu niðurstöðum
• afla sér upplýsinga, greina helstu atriði þeirra og hagnýta sér